L´aragonés

L´aragonés ribagorzano é la nuestra llengua materna. La llengua de los nuestros pares, i de los nuestros yayos… del “chunta manetas” y del “realet realet”, del “ben en deben de vender” i del “ixo rai” … la voz, de chen que conocem i que conoces, de chen que vivim u que ha viviu en esta llengua.

Per ixo mos la estimam tanto, i per ixo mos fa pena i rabia que esta llengua milenaria se desprecie, s’olvide, se mos pierda. Una llengua filla del llatín, chermana d’atras llenguas como el castellano, el catalán, el francés, el gascón, el italiano, etc., que dimpués de siglos d’uso está – como dim per aquí – “a las tres pedretas[1]”.

Fillas d’ixe legau i conscientes del suyo valor hem feit este blog on irem metén i repllegán materials en la nuestra llengua.

Que lo disfrutez.

 

Esconchuro per la llengua, de Xavier Tomás

Cuan atras voces esta voz repitan;

la voz de Ribagorza, tan ferida,

que miedos i vergüeñas debilitan,

farem la llengua firme, eixerida.

Cuan valentors futuras mos permitan,

fer a la viella llengua, bienvenida,

las voces que aspaciet ara rechitan,

guarda si se ferán buixos de vida!

Baluartes d’esta voz ribagorzana,

fortalezas foncense, estadillana:

No dixez amortar-tos la pallabra!

No rebllez, buegas soz de Tierra Pllana

one el verbo que muere per galbana,

vivirá como uebra cuan se llabra.


[1] Estar en las tres pedretas: se diz de uno que se está morín.

11 Respuestas a “L´aragonés

  1. Kalu Treviño.

    Tos felicito per el Blog,estaré pendiente de las novedaz.Un abrazo a las dos.

  2. LOLES

    Soi de FONZ i el digo com orgullo i ven alto , pa`que toz se n’enteren i m’ha emocinau leer este articulo que havez escrito i de trasmitir esta inquietuz que muchos tenim per esta llegua que des de el primer aliento de vida mos ha impregnau, mos ha acompanau i mos ha fecho femos grans. Perdonaz si la mia ortografia no es to lo correcta que habria de ser. Prometo esforzar-me una miqueta mas.

    • conchigiron

      Hola Dolors! gracias per las tuyas pallabras! Te animo a que mos sigas escribín. El tema de la ortografia mos gustaria tratar-lo en una entrada proximamente.

      PD: per cierto, el proximo viernes día 1 de junio fem poetián a Fonz! Teatralización de poemas en ribagorzano con música en directo. Será a las 23h en las escaleras de la ilesia, vien-te-ne!

  3. Este baixo ribargozano nuestro, tan acoquinau, tan moribundo, hasta algunas veces, con tanto miedo de dí “YO LO HABLO”; pero yo lo seguieré hablan hasta que me muera con to’l orgullo del mundo. Aunque seiga un remedo muy pobre del qu’hablaba la yaya (¡¡Y solo son dos generacions!!). Y redios no puedo evitá pllorá de lo que veigo que fan los críos: ¡¡Chugan en castellano!!. Se mos acaba. Ya no se fará serví entre familias ni amigos, solo quedará en chen con muchas ganas de coservalo como vusatras. Seguiz per lo que más queraz, por dios seguiz;… vuasatras soz chovens y qui sabe, a lo milló algo podrén salvá. Felicidades y que tiengaz mucha suerte. (Toz la necesitarén “con la nuestra manera d’hablá”)

  4. Eduardo

    Toz en conchunto ferem que la nuestra llengua torne a sentise con mes rasmia que mai

  5. Ben! Ya era ora de leyer alguna cosa en aragonés que se paezese a como’l charrán nusatros aquí en casa nuestra. Güena iniziativa, Seguid entadebán!!

  6. Ma encantau este blog y os felicito por esta iniciativa. Habís creau un lugar donde disfrutar de lo nuestro aragonés sin complejos.
    Un abrazo.

  7. encendallo

    Ben bonica la decllaración d’intencions y lo poema de Xavier Tomás. Un blog que caldrá seguir, de seguro que ferá buena honra a totz los que queremos esta lluenga nuestra. Entabant!

  8. Boti

    Me gusta, ¿como no?, que los chovens defendaz con toda vuestras fuerzas lo que e nuestro. Tan nuestro, tan importante y tan rico como lo que mos distingue de los otros: de los catalans, de los castellanos … Si ixos otros sabesen comprendé que no son el meligo del mundo sequramente las cosas irían de otra manera.
    Boti

  9. Nuria Carrera Altarriba

    Soc de Barcelona y no se escriure el vostre idioma, pero m´n alegro de rebre noticies vostres, doncs el meus pares eran de aquestes tarre i m´agrada molt com parleu i en fa ser feliç, enhorabona pel blog l´aniré lleguint i gaudin, petons, una que os estima

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s