Archivo de la etiqueta: Asociación Guayente

Gurrionez per la montaña

Curso iniciación patués

El pasau viernes 16 d’agosto vam estar per la montaña, per la vall de Benás, on l’Asociación Guayente celebraba el Día del Patués. Una de las actividaz eba un taller d’inciación al patués a cargo de Carmen Castán.

Vam parllar de topónimos benasqueses; de las diferencias -pocas- entre la zona A (Benás, Grist, Ansils y Saúnc), la zona B (Sesué, Sos, Erisué, Ramastué, Arasán, Llire, Urmella, Gabás, Castilló de Sos, El Ru, Chía y Villanova) y la zona C (Sant Martín de Veri, Sant Feliu de Veri, Veri, Dos, Buyelgas y La Muria); de los principals rasgos del patués, vam leyer uns textos…

Tamé va parllar de sociolingüística: “Ixo no s’ha dito mai axí”- le siente dir Carmen a la chen-. Y Carmen diz que le fan enrabiar en los casos en que se debe a una custión de castellanización. Tamé pasa muchas veces al nuestro aragonés ribagorzano, la sustitución d’una palabra o expresión antigua per una castellana, y que a vegadas, si se conserva, nomás se fa servir a bel llugar….

Tos dixam con un d’es textos de la zona norte de la vall que vam leyer con Carmen, “Les tases de café”. Y si tos interesa, podez consultar este diccionario en línea del patués.

Como siempre un placer ragonar con Carmeta.

Anuncios

Deja un comentario

Archivado bajo Atras variedaz d´aragonés, Sin categoría